Инфантино Трампга ЖЧ-2026 ўйинларига 10 та чипта совға қилди
Ҳужжатларда қайд этилишича, Трамп 370 минг доллардан ортиқ суммадаги совғалар олган.
ФОТО: Getty images
АҚШ президенти Дональд Трамп йиллик молиявий ҳисоботини эълон қилди, унга кўра ФИФА президенти Жанни Инфантино унга 2026 йилги жаҳон чемпионати ўйинларига 10 та чипта совға қилган. Бу ҳақда CNBC хабар бермоқда.
Ҳужжатларда қайд этилишича, Трамп 370 минг доллардан ортиқ суммадаги совғалар олган. Асосий қисмини спорт тадбирларига чипталар ташкил этган. Улар орасида — 15 минг долларлик ЖЧ-2026 ўйинларига 10 та чипта, 50 минг долларлик Супербоулга 10 та чипта, шунингдек, бошқа спорт тадбирларига чипталар мавжуд.
2026 йилги Жаҳон чемпионати 11 июндан 19 июлга қадар АҚШ, Канада ва Мексикада бўлиб ўтади. Турнир финали Нью-Йоркдаги "Метлайф Стэдиум" аренасида бўлиб ўтади.