Инфантино Мирзиёевни табриклади: Ўзбекистон – Жаҳон чемпионатида!
Футбол бўйича Халқаро федерация (ФИФА) президенти Жанни Инфантино Ўзбекистон Республикаси Президенти Шавкат Мирзиёев номига табрик мактуби йўллади.
“Жаноби Олийлари, муҳтарам Президент!
Кеча Ўзбекистон ўз тарихида илк бор ФИФА Жаҳон чемпионатига йўлланма олди. Бу натижа орқали терма жамоангиз Осиёдаги илк жамоалардан бири сифатида ЖЧ-2026 иштирокчисига айланди.
Бутун футбол жамоатчилиги номидан Сизни ва Ўзбекистон халқини ушбу муносиб ва тарихий ютуқ билан табриклайман.
Бу муваффақият футболдаги барча иштирокчилар – ҳукумат, футбол ассоциацияси, мураббийлар, футболчилар ва, албатта, самимий мухлисларнинг жипслиги, меҳнати ва интилиши натижасидир.
Муҳтарам Президент, жамоангизга 2026 йилги Жаҳон чемпионатида улкан зафарлар тилайман. Сиз, Жаноби Олийлари билан яна учрашишни интиқлик билан кутаман”.
Инфантинонинг самимий табригидан жамоа ва бутун мамлакатнинг ғалабаси нафақат миллий, балки халқаро миқёсда эътироф этилганини кўриш мумкин.
