Инфантино Эриксен билан боғлиқ вазият ҳақида фикр билдирди
FIFA президенти Жанни Инфантино Украина терма жамоасига қарши ўртоқлик учрашуви вақтида ҳушини йўқотган Дания терма жамоаси ярим ҳимоячиси Кристиан Эриксен ҳақида фикр билдирди.
Кейинроқ Дания терма жамоаси ярим ҳимоячисининг ҳушида эканлиги ва шароитни ҳисобга олган ҳолда, ўзини яхши ҳис қилаётгани маълум қилинди.
“Кристиан Эриксеннинг Украина жамоаси билан ўйиндаги ҳодисадан сўнг ҳушида эканлигини ва зарур тиббий ёрдам олаётганини эшитишдан хурсандман. Кристианга тезроқ соғайиб кетишини тилайман. Шунингдек, унинг оиласига ва бутун Дания терма жамоасига энг эзгу тилакларимни йўллайман. Тиббий штаб ва ўйин расмийларининг тезкор ва самарали ишини алоҳида таъкидлайман”, — деди Инфантино ижтимоий тармоқларда эълон қилинган видеода.
2021-йил июн ойида Эриксен ўйин пайтида ҳушини йўқотган эди. Дания ва Финляндия терма жамоалари ўртасидаги Европа чемпионати учрашуви вақтида футболчининг юраги тўхтаб қолган эди.