Имеда Ашортия: Бу бошланиши. Кўп меҳнат қилдик ва умид қиламанки, ушбу ғалабали юришимизни давом эттирамиз
“Андижон” жамоамиз чемпионатнинг очилиш ўйинида “Бобур арена”да “Сўғдиёна”ни 4:0 ҳисобида тор-мор келтирди.
photo: Andijon fk
Маълумки, кеча “Андижон” жамоамиз чемпионатнинг очилиш ўйинида “Бобур арена”да “Сўғдиёна”ни 4:0 ҳисобида тор-мор келтирди.
Учрашувни фаол ўтказган футболчиларимиздан бири, грузиялик Имеда Ашортия клуб матбуот хизматига ўйин ҳақидаги фикрлари билан ўртоқлашди.
“Ғалаба қозонганимиз учун Худога шукр. Шунингдек, мухлисларга ажойиб атмосфера яратганликлари учун чуқур миннатдорчилигимни билдираман. Ҳаммамизга яхши маълумки, чемпионатнинг бошланиши доимо қийин кечади, осон бўлмайди.
Қайд этилган ҳисоб биз майдонда устунлик қилганимизни, кучли эканимизни ва яхши тайёргарлик кўрганимизни кўрсатиб турибди. Ғалаба учун жуда яхши ҳаракат қилдик. Бу бошланиши. Кўп меҳнат қилдик ва умид қиламанки, ушбу ғалабали юришимизни давом эттирамиз".
Иброҳим Жалолов
Редактор