Imeda Ashortia: Bu boshlanashi. Ko'p mehnat qildik va umid qilamanki, ushbu g'alabali yurishimizni davom ettiramiz
Ma'lumki, kecha “Andijon” jamoamiz chempionatning ochilish o'yinida “Bobur arena”da “So'g'diyona”ni 4:0 hisobida tor-mor keltirdi.
Uchrashuvni faol o'tkazgan futbolchilarimizdan biri gruziyalik Imeda Ashortia klub matbuot xizmatiga o'yin haqidagi fikrlari bilan o'rtoqlashdi.
“G'alaba qozonganimiz uchun Xudoga shukr. Shuningdek, muxlislarga ajoyib atmosferani yaratishgani uchun chuqur minnatdorchiligimni bildiraman. Hammamizga yaxshi ma'lumki, chempionatning boshlanishi doimo qiyin kechadi, oson bo'lmaydi.
Qayd etilgan hisob bizni maydonda ustunlik qilganimizni, kuchligimizni va yaxshi tayyorgarlik ko'rganimizni ko'rsatib turibdi. G'alaba uchun juda yaxshi harakat qildik. Bu boshlanashi. Ko'p mehnat qildik va umid qilamanki, ushbu g'alabali yurishimizni davom ettiramiz".
