Ильёс Зейтуллаев: Ўзбекистоннинг энг яхши жамоасига қарши ўйин қизиқ кечди
Бунёдкор бош мураббийи Насаф билан ўйиндан кейин фикр билдирди.
photo: Bunyodkor FK
Суперлига 24-тур доирасидаги "Бунёдкор" – "Насаф" (2:2) учрашувидан сўнг "қалдирғочлар" бош мураббийи Ильёс Зейтуллаев матбуот анжуманида иштирок этди.
"Ўзбекистоннинг энг яхши жамоасига қарши ўйин қизиқ кечди. Бундай дейишимга сабаб, ушбу клуб сўнгги йилларда мамлакатимизда етакчилик қилиб келмоқда. Жамоам билан фахрланаман. "Бунёдкор" илк бўлимни жуда яхши ўтказди, иккинчи бўлимда эса чемпионлик учун курашаётган "Насаф" ўз сўзини айтди.
Олдимизда қандай жамоага қарши баҳс кутяпганини билардик, аммо йигитлар яхши ўйнашди, уларга раҳмат. Бугун стадионга ташриф буюрган мухлис иккала жамоанинг ҳам ўйинидан лаззат олди, деб ўйлайман", – деди мутахассис.
Иброҳим Жалолов
Редактор