Илгиз Танташев клублар ўртасидаги Жаҳон чемпионатида навбатдаги ўйинга тайинланди
Ўзбек ҳаками “Интер Майами” — “Порту” учрашувида тўртинчи ҳакам сифатида ишлайди
Расм: championatasia
Айни пайтда Америка Қўшма Штатларида клублар ўртасидаги Жаҳон чемпионати ўтказилмоқда. Ушбу нуфузли мусобақада Илгиз Танташев бошчилигидаги ўзбекистонлик ҳакамлар бригадаси ҳам фаол иштирок этмоқда.
Турнирнинг 2-тур доирасида Илгиз Танташев “Интер Майами” ҳамда “Порту” жамоалари ўртасидаги ўйинга тўртинчи ҳакам сифатида тайинланди.
Мазкур беллашувда қуйидаги ҳакамлар фаолият олиб боради:
• Бош ҳакам: Кристиан Гарай (Чили)
• Қанот ҳакамлари: Мигель Роча ва Хосе Ретамал (иккаласи ҳам Чили)
• Тўртинчи ҳакам: Илгиз Танташев (Ўзбекистон)
Бу тайинлов ўзбек ҳакамлари халқаро майдондаги обрўси ошиб бораётганидан далолат беради.
Бакрадзе Иман
Редактор