Ильгиз Танташев \"Флуминенсе\" - \"Боруссия Д\" учрашувини бошқаради
Фото: Getty Images
Клублар ўртасидаги жаҳон чемпионатида ўзбекистонлик ҳакамлар бошқарадиган дастлабки ўйин маълум бўлди.
Алишер Никимбаевнинг "Футболиум" канали хабар беришича, Бразилиянинг "Флуминенсе" ва Германиянинг "Боруссия Д" клублари ўртасидаги F гуруҳи 1-тури баҳсини Ильгиз Танташев бошчилигидаги ҳакамлар гуруҳи бошқариб боради.
Танташевга қанотларда Андрей Цапенко ва Тимур Гайнуллин ёрдам беради. Ушбу баҳс 17 июн куни АҚШнинг Ню-Жерси шаҳрида бўлиб ўтади. Ўйин маҳаллий вақт билан соат 12:00да, Тошкент вақти билан соат 21:00да бошланади.
