Ilgiz Tantashev \"Fluminense\" - \"Borussiya D\" uchrashuvini boshqaradi
Photo: Getty Images
Klublar o‘rtasidagi jahon chempionatida o‘zbekistonlik hakamlar boshqaradigan ilk o‘yin ma’lum bo‘ldi.
Alisher Nikimbaevning "Futbolium" kanali xabariga ko‘ra, Braziliyaning "Fluminense" va Germaniyaning "Borussiya D" klublari o‘rtasidagi F guruhi 1-tur bahsini Ilgiz Tantashev boshchiligidagi hakamlar brigadasi boshqarib boradi.
Tantashevga qanotlarda Andrey Tsapenko va Timur Gaynullin yordam beradi. Ushbu bahs 17 iyun kuni AQShning Nyu-Jersi shahrida bo‘lib o‘tadi. O‘yin mahalliy vaqt bilan soat 12:00da, Toshkent vaqti bilan soat 21:00da boshlanadi.
Roziqjon Sultonmurodov
Jurnalist