Икром Алибоев: «Майдоннинг ҳолати бироз ранжитди»
Фото: Нефтчи ПФК
Суперлига 17-туридан ўрин олган “Қўқон-1912” – “Нефтчи” (1:2) учрашувидан сўнг меҳмонлар яримҳимоячиси Икром Алибоев Sports24.uz мухбири билан қисқача суҳбатлашди.
“Қўқон-1912” билан ўйин жуда оғир ўтди. Рақиб бизга қарши яхши тайёргарлик кўрган экан. Қолаверса, “Нефтчи” 10 йилдан бери Қўқонда ғалаба қозонмаган экан. Бугун шу анъанага барҳам берганимиздан хурсандмиз.
Майдоннинг ҳолати бироз ранжитди. Бир сўз билан айтганда футбол ўйнаб бўлмайди. Шуни ҳисобига ўйин асосан якка курашларга бой ўтди”, - дейди Алибоев.
Эслатиб ўтамиз, "Нефтчи" ушбу ғалабадан сўнг 33 очко билан 2-ўринга кўтарилиб олди.
Баҳром Бобонов
Редактор