Икки нафар вакилимиз жаҳон чемпионатида шоҳсумага кўтарилди!
PHOTO: Telegram
Бугун Перуда давом этаётган ёшлар ва ўсмирлар ўртасидаги жаҳон чемпионатининг навбатдаги кунида бир қатор вазн тоифаларида ғолиб ва совриндорлар аниқланди. Қувонарлиси, улар орасида вакиларимиз ҳам бор.
Жумладан, аёллар ўртасида -59 кг вазн тоифасида супачага кўтарилган Маржона Абдумуталова даст кўтаришда 88 кг натижа кўрсатиб кумуш ҳамда силтаб кўтаришда 102 кг натижа кўрсатиб бронза медалга сазовор бўлган бўлса, икки кураш якунига кўра ҳам 190 кг билан яна бир кумуш медални делегациямиз ҳисобига қўшиб қўйди.
Шунингдек, эркаклар ўртасида -81 кг вазн тоифасида баҳсларда қатнашган спортчимиз Хикматилло Хайдаров даст кўтариш машқида 154 кг тошни бўйсундирган ҳолда бронза медални қўлга киритди.
Иброҳим Жалолов
Редактор