Йилнинг энг яхши ёш футболчиси совринига 10 нафар номзод эълон қилинди
France Football нашри 2026 йилнинг энг яхши ёш футболчиси совринига даъвогар бўлган 10 нафар футболчи номини эълон қилди. Якуний рўйхатдан Европанинг етакчи клубларида тўп сураётган бир қатор иқтидорли ёшлар жой олди.
Номзодлар орасида Керим-Сэм Алайбегович (“Ред Булл Зальцбург”/“Ювентус”), Айюб Буадди (“Лилль”/“Манчестер Сити”), Пау Кубарси (“Барселона”), Ян Диоманде (“РБ Лейпциг”/“Реал Мадрид”) ва Леннарт Карл (“Бавария”) бор.
Шунингдек, Эли Крупи (“Борнмут”), Ламин Ямаль (“Барселона”), Йохан Манзамби (“Фрайбург”/“Астон Вилла”), Иброҳим Маза (“Байер”) ва Уоррен Заир-Эмери (“Пари Сен-Жермен”) ҳам соврин учун кураш олиб боради.
Маълумот учун, ғолиб 26 октябрь куни Лондонда бўлиб ўтадиган 2026 йилги “Олтин тўп” тақдирлаш маросимида эълон қилинади. Ўтган йили ушбу совринни “Пари Сен-Жермен” вингери Дезире Дуэ қўлга киритган эди.
