Ихтиёр Тошпо‘латов: Azur жамоаси муносиб қаршилик кўрсата олди
Ўйиндан сўнг Гулистон сардори Ихтиёр Тошпо‘латов ўз фикрлари билан ўртоқлашди.
photo: Guliston FK
"Оғир ўйин бўлди. Ҳар икки жамоа олдига жиддий мақсадлар қўйган, кучли жамоалар эди. Azur жамоаси муносиб қаршилик кўрсата олди. Аммо барибир ўша муҳим голни уриб, ғалаба қозондик. Бундан жуда хурсандман. Гулистон халқини ғалаба билан табриклайман.
Рақибимизни ўрганиш давомида улар асосий ҳужумларини 9-рақамли футболчи орқали ташкил этишини тушуниб етдик. Бугун ушбу футболчига қарши персонал тарзда ўйнадим.
Бундай ўйин услуби менга бегона эмас. Суперлигада ҳам қатор ҳужумчиларига қарши шундай ўйнаганман. Шу сабабли бу вазифа унчалик қийин бўлмади", — дейди Тошпо‘латов.
Иброҳим Жалолов
Редактор
