Игор Тудор «Ноттингем»дан учралган мағлубиятдан сўнг матбуот анжуманига келмади
Англия Премьер-лигасининг 31-турида хавфли зонанинг ўзида кураш олиб бораётган бевосита рақиб — «Ноттингем Форест»дан қабул қилинган йирик мағлубият (0:3)дан сўнг, «Тоттенхэм» бош мураббийи Игор Тудор ўйиндан кейинги матбуот анжуманида иштирок этмади.
The Touchline нашрининг хабар беришича, мутахассис шахсий оилавий шароитлари туфайли анжуманга кела олмаган. Унинг ўрнини ёрдамчиларидан бири эгаллади.
«Ноттингем»дан қабул қилинган ушбу мағлубият «шпорлар» учун АПЛ доирасидаги сўнгги етти ўйиндаги олтинчиси бўлди. Жамоа 2025 йилнинг декабрида буён чемпионатда ғалаба нималигини билмай келмоқда.
Ҳозирда лондонликлар 31 та ўйиндан сўнг 30 очко жамғарган ҳолда турнир жадвалининг 17-поғонасида бормоқда — қуйи лигага тушиб кетиш зонасидан уларни атиги бир очко ажратиб турибди.
