Игор Тудор АПЛ тарихида бир клуб билан 50 кундан кам ишлаган бешинчи мураббийга айланди

«Тоттенҳэм»дан истеъфога чиқарилган мураббий Игор Тудор жамоани бор-йўғи 43 кун давомида бошқарди. Шу тариқа, у Англия Премьер-лигаси тарихида клуб билан 50 кундан кам ишлаган бешинчи мутахассисга айланди.

АПЛ тарихида энг қисқа муддат ишлаган мураббийлар бешлиги:

1. Кристиан Стеллини («Тоттенҳэм») — 29 кун.
2. Сэм Эллардайс («Лидс Юнайтед») — 30 кун.
3. Ангелос Постекоглу («Ноттингем Форест») — 39 кун.
4. Лес Рид («Чарлтон Атлетик») — 40 кун.
5. Игор Тудор («Тоттенҳэм») — 43 кун.

Эслатиб ўтамиз, Тудор 14 февралдан буён «шпорлар»ни бошқариб келаётган эди. Унинг қўл остида жамоа 7 та учрашувда 5 та мағлубият қайд этди. Айни дамда «Тоттенҳэм» 30 очко билан турнир жадвалида 17-ўринни эгаллаб турибди ва қуйи лигага тушиб кетиш зонасидан бор-йўғи бир очко олдинда.

Насрулло Каримов

Журналист