Игорь Иванович Химич — «Нефтчи» футбол академияси директори
Клубимизда муҳим тайинлов амалга оширилди. Украина футболида катта тажрибага эга мутахассис, собиқ мураббий Игорь Иванович Химич эндиликда «Нефтчи» футбол академияси директори сифатида фаолият юритади.
Игорь Иванович Химич академиямизда машғулотларни Лобановский методи асосида ташкил этишни режалаштирмоқда. Бу метод футболчиларнинг жисмоний тайёргарлиги, тактик фикрлашини ва жамоавий уйғунлигини юқори даражада шакллантиришга қаратилган.
Игорь Химич ҳақида
• 1967 йил 1 сентябрь куни Украинада туғилган.
• Футболчилик фаолияти давомида «Нива» (Мироновка), «Катех» (Ирпин), «Факел-ГПЗ» (Варва) ва «Ригонда-2» (Бела Серкова) клубларида дарвозабон сифатида ўйнаган.
• 2001 йилда футболчи сифатида карьерасини якунлаб, мураббийликка ўтган.
• 2002–2010 йилларда бир неча марта «Рос» (Бела Серкова) клубини бошқарган.
• 2010 йилда қисқа муддат «Десна» (Чернигов) жамоасида бош мураббий вазифасини бажарган.
• Кейинги йилларда Украина футбол федерациясида инструктор сифатида ишлаб, методология ва ёш мураббийларни тайёрлаш бўйича бош мутахассис лавозимида фаолият олиб борган.
Игорь Иванович Химич клубимиз академиясини янада замонавий ва самарали тизим асосида ривожлантириш, ёш футболчилар учун етук шароитлар яратиш ҳамда халқаро тажрибани амалиятга жорий этишни асосий вазифа қилиб белгилаган.
