Игорь Голбаннинг жароҳати бўйича расмий маълумот
Бугун Суперлига 4-тур доирасида бўлиб ўтган “Андижон” – “Машъал” учрашувининг 13-дақиқаси ўтиб бораётган вазиятда жамоамиз ҳимоячиси Игорь Голбан тўп учун курашда рақиб футболчисининг тирсағидан зарба қабул қилди.
Жамоамизнинг тажрибали шифокори дарҳол унга биринчи тез тиббий ёрдамни кўрсатди ва футболчи ўйиннинг қолган қисмини пешонасига махсус бинт боғланган ҳолда ўтказди.
Маълум бўлишича, футболчимиздаги жароҳат шундайки, қошининг юқори қисми бир ярим сантиметр кўринишида йиртилган. Натижада ўйиндан кейин унга учта чўк тикилган.
Голбан профессионал футболчи эканини яна бир бор исботлаган ҳолда у жароҳатига қарамасдан жамоага ёрдам бериш учун яна ўзида куч топа олган.
Биз футболчига соғлик тилаймиз ва жамоамизнинг ҳар бир аъзосининг соғлиги биз учун муҳим.
