Игор Голбан «Насаф»даги фаолиятини якунлади

Маҳоратли ҳимоячи Игор Голбан «Насаф» футбол клубидаги фаолиятини якунлади. Бу ҳақда клуб матбуот хизмати хабар берди.

У жамоа сафида тўп сурган даврида клубимиз шарафини муносиб ҳимоя қилди ва муҳим ютуқларга эришишда ўз ҳиссасини қўшди.

"Футболчига жамоамиз учун қилган хизматлари ва фидойилиги учун самимий миннатдорлик билдирамиз ҳамда унинг кейинги фаолиятида омад тилаймиз", дейилади "Насаф" тарқатган хабарда.

Голбан эндиликда фаолиятини яна водийда давом эттиради. У “Андижон” клуби билан шартнома имзолади.

Розикжон Султонмуродов

Журналист