Igor Golban «Nasaf»dagi faoliyatini yakunladi

Mahoratli himoyachi Igor Golban 'Nasaf' futbol klubidagi faoliyatini yakunladi. Bu haqda klub matbuot xizmati xabar berdi.

U jamoa safida to'p surgan davrida klubimiz sha'nini munosib himoya qildi va muhim yutuqlarga erishishda o'z hissasini qo'shdi.

"Futbolchiga jamoamiz uchun qilgan xizmatlari va fidoyiligi uchun samimiy minnatdorchilik bildiramiz hamda uning keyingi faoliyatida omad tilaymiz", deyiladi 'Nasaf' tarqatgan xabarda.

Golban endilikda faoliyatini yana vodiyda davom ettiradi. U 'Andijon' klubi bilan shartnoma imzoladi.

Roziqjon Sultonmurodov

Jurnalist