ЙЧЛни муддатидан аввал тарк этган икки клуб номи маълум бўлди
Сешанба, 20 январь куни Чемпионлар лигаси умумий босқичининг 7-тури доирасида ўтказилган учрашувлардан сўнг мусобақани муддатидан аввал тарк этган дастлабки икки жамоа маълум бўлди.
Турнир билан хайрлашган клублар — Олмаотанинг «Қайрат» ҳамда Испаниянинг «Вильярреал» жамоаси бўлди. Улар мос равишда «Брюгге» ва «Аякс»га мағлубиятга учради.
Ҳар икки жамоа ҳам етти турдан сўнг атиги бир очко жамғарган. Плей-оффнинг 1/16 финалида иштирок этиш ҳуқуқини берадиган сўнгги — 24-ўринда ҳозирча «Копенгаген» жойлашган бўлиб, унинг ҳисобида якуний тур олдидан 8 очко мавжуд.
Қолган барча клублар эса умумий босқич якунларига кўра топ-24 таликка кириш учун назарий имкониятларни сақлаб қолмоқда.
Шунингдек, сешанба куни Чемпионлар лигасининг 1/8 финалига йўл олган илк жамоа ҳам аниқланди. У Лондоннинг «Арсенал» клуби бўлиб, Микел Артета шогирдлари 7 ўйинда 7 ғалаба қайд этди.
