ЙЧЛ. «Тоттенхем» — «Атлетико». Асосий таркиблар маълум
Бугун, 18 март куни УЕФА Чемпионлар Лигасининг 1/8 финал босқичи доирасида Англиянинг «Тоттенхем» ҳамда Мадриднинг «Атлетико» жамоалари ўртасидаги жавоб учрашуви бўлиб ўтади. Ўйин Тошкент вақти билан соат 01:00 да бошланади.
Жамоалар қуйидаги таркибларда майдонга тушади:
«Тоттенхем»: Викарио, Порро, Ромеро, Дрегушин, ван де Вен, Спенс, Симонс, Сарр, Грей, Тел, Коло Муани.
«Атлетико»: Муссо, Руджери, Ганско, Ле Норман, Молина, Лукман, Кардозо, Льоренте, Симеоне, Гризманн, Алварес.
Мазкур жамоалар ўртасидаги дастлабки учрашувда Мадрид клуби 5:2 ҳисобига ғалаба қозонган эди. Шуни таъкидлаш лозимки, «матрасчилар» плей-оффнинг ўтиш босқичида «Брюгге»ни (умумий ҳисоб 7:4) мағлуб этган бўлса, «шпорлар» умумий босқич якунларига кўра 17 очко билан тўртинчи ўринни эгаллаб, тўғридан-тўғри 1/8 финалга йўлланма олган эди.
Эслатиб ўтамиз, жорий мавсумдаги Чемпионлар лигасининг финал баҳси 2026 йил 30 май куни Будапештдаги «Пушкаш Арена» стадионида бўлиб ўтади.
