ЙЧЛ. «Ливерпул» «Галатасарой» устидан йирик ғалабага эришиб, чорак финалга йўлланма олди
UEFA Чемпионлар Лигасининг 1/8 финал босқичи доирасида Англиянинг «Ливерпул» ва Туркиянинг «Галатасарой» жамоалари ўртасидаги жавоб учрашуви якунланди. Ливерпулдаги «Энфилд» стадионида бўлиб ўтган мазкур баҳс мезбонларнинг 4:0 ҳисобигаги ишончли ғалабаси билан якунланди.
Учрашув давомида қуйидаги натижалар қайд этилди:
- 25-дақиқа: Ярим ҳимоячи Доминик Собослай ҳисобни очди.
- 45+4-дақиқа: Биринчи бўлимга қўшиб берилган вақтда Мухаммад Салоҳ пеналти имкониятидан фойдалана олмади.
- 51-дақиқа: Ҳужумчи Уго Экитике мезбонларнинг устунлигини иккитага оширди.
- 53-дақиқа: Раян Гравенберх «Галатасарой» дарвозасига учинчи голни киритди.
- 62-дақиқа: Мухаммад Салоҳ учрашувдаги якунги голга муаллифлик қилди.
Эслатиб ўтамиз, Туркияда ўтган дастлабки учрашувда «Галатасарой» 1:0 ҳисобига ғалаба қозонган эди. Икки ўйин натижасига кўра 4:1 ҳисоби билан устун келган «Ливерпул» мусобақанинг чорак финал босқичига йўл олди.
«Галатасарой» плей-оффнинг ўтиш босқичида «Ювентус»ни (умумий ҳисоб 7:5) мусобақадан чиқариб юборган эди. Мерсисайдликлар эса умумий босқич якунларига кўра 18 очко жамғарган ҳолда учинчи ўринни эгаллаб, 1/8 финалга тўғридан-тўғри йўлланмани қўлга киритган эдилар.
Жорий мавсумдаги Чемпионлар Лигасининг финал баҳси 2026 йил 30 май куни Будапештдаги «Пушкаш Арена» стадионида бўлиб ўтиши режалаштирилган.
