ЙЧЛ. Бугун «ПСЖ» ўз майдонида «Бавария»ни қабул қилади
Учрашув Тошкент вақти билан соат 00:00 да старт олади.
ФОТО: Getty Images
Бугун, 28 апрел куни УЕФА Чемпионлар Лигасининг 1/2 финал босқичига старт берилади. Яримфиналнинг илк кунида битта ўйин бўлиб ўтади.
«ПСЖ» — «Бавария» | 00:00
Мусобақанинг чорак финалида «Пари Сен-Жермен» Англиянинг «Ливерпуль» жамоасини мусобақадан чиқариб юборган бўлса, «Бавария» Мадриднинг «Реал» клубидан устун келиб, яримфинал йўлланмасини қўлга киритган эди.
Эслатиб ўтамиз, ушбу мавсумнинг финал баҳси Венгрия пойтахти Будапештдаги «Пушкаш Арена» стадионида бўлиб ўтади. Ҳал қилувчи ўйин 2026 йилнинг 30 майига белгиланган.
Маълумот учун, Чемпионлар Лигасининг амалдаги ғолиби Франциянинг «Пари Сен-Жермен» клуби ҳисобланади.
Насрулло Каримов
Журналист