Ибаньес «Аль-Ахли» билан шартномасини узайтиради
Бразилия терма жамоаси ҳимоячиси Рожер Ибаньес Саудия Арабистонининг «Аль-Ахли» клуби билан шартномасини узайтиришга яқин. Бу ҳақда журналист ва инсайдер Фабрицио Романо X ижтимоий тармоғида хабар берди.
Манбага кўра, томонлар янги меҳнат шартномасининг асосий шартларини келишиб олган. Янги битим 2030 йил ёзига қадар амал қилиши кутилмоқда.
Рожер Ибаньес Бразилия футболи тарбияланувчиси ҳисобланади. У катталар футболида «Флуминенсе», «Аталанта», «Рома» ва бошқа клубларда тўп тепган.
Бразилиялик ҳимоячи 2023 йилда «Аль-Ахли» сафига қўшилган. Шундан буён у жамоа таркибида барча турнирларда 124 та учрашув ўтказиб, 14 та гол ва 9 та голли узатма қайд этган.
Transfermarkt маълумотларига кўра, Ибаньеснинг айни пайтдаги трансфер қиймати 18 миллион еврога баҳоланмоқда.
