Ibanez «Al-Ahli» bilan shartnomasini uzaytiradi
Braziliya terma jamoasi himoyachisi Roje Ibanez Saudiya Arabistonining “Al-Ahli” klubi bilan shartnomasini uzaytirishga yaqin. Bu haqda jurnalist va insayder Fabritsio Romano X ijtimoiy tarmog‘ida xabar berdi.
Manbaga ko‘ra, tomonlar yangi mehnat shartnomasining asosiy shartlarini kelishib olishgan. Yangi bitim 2030 yil yozigacha amal qilishi kutilmoqda.
Roje Ibanez Braziliya futboli tarbiyalanuvchisi hisoblanadi. U kattalar futbolida “Fluminense”, “Atalanta”, “Roma” va boshqa klublarda to‘p tepgan.
Braziliyalik himoyachi 2023 yilda “Al-Ahli” safiga qo‘shilgan. Shundan buyon u jamoa tarkibida barcha turnirlarda 124 ta uchrashuv o‘tkazib, 14 ta gol va 9 ta golli uzatma qayd etgan.
Transfermarkt ma’lumotlariga ko‘ra, Ibanezning ayni paytdagi transfer qiymati 18 million yevroga baholanmoqda.
