Хвича «ПСЖ»нинг кучли жиҳатларини айтди
Грузиялик футболчи жамоасининг устун томонларини санади.
ФОТО: Getty images
Хвича Кварацхелия «ПСЖ» жамоасининг энг кучли жиҳатларидан бири ҳақида фикр билдирди.
Унинг сўзларига кўра, жамоадаги бирдамлик — асосий устунликлардан бири:
«Менимча, бирдамлик — бу жамоанинг энг кучли томонларидан бири. Биз бирга ўйнашдан завқ оламиз, жуда кучли жипслик ҳис қилинади. Агар бир-биримиз учун курашсак ва ўз ўйинимизни намойиш этсак, исталган рақибни мағлуб эта оламиз», - деди Хвича.
Маълумот учун, “ПСЖ” ўтган мавсум Лига 1да 34 ўйинда 76 очко тўплаб, Франция чемпионига айланди.
Энди улар 30 май куни “Арсенал”га қарши Чемпионлар лигаси финалида майдонга тушади.
