Хуршид Мухторов Индонезия клубини тарк этади
Хуршид “Персик” сафида Индонезия Суперлигаси доирасида 13 та ўйинда майдонга тушди.
ФОТО: Getty images
Ўзбекистонлик ҳимоячи Хуршид Мухторов Индонезиянинг “Персик Кедири” клубини тарк этади.
Tribuna.uz манбасига кўра, футболчи клуб билан шартномани муддатидан олдин якунлаш бўйича келишувга эришган.
Футболчи билан боғланганимизда у оилавий сабабларга кўра, жамоани тарк этишга қарор қилган. Натижада клуб раҳбарияти Мухторовнинг қарорини қўллаб-қувватлаган ва унга қаршилик қилмаган.
Хуршид “Персик” сафида Индонезия Суперлигаси доирасида 13 та ўйинда майдонга тушиб, 5 та сариқ карточка олган.
