Xurshid Muxtorov Indoneziya klubini tark etadi
Xurshid "Persik" safida Indoneziya Superligasi doirasida 13 ta o‘yinda maydonga tushdi.
ФОТО: Getty images
O‘zbekistonlik himoyachi Xurshid Muxtorov Indoneziyaning "Persik Kediri" klubini tark etadi.
Tribuna.uz manbasiga ko‘ra, futbolchi klub bilan shartnomani muddatidan oldin yakunlash bo‘yicha kelishuvga erishgan.
Futbolchining o‘zi bilan bog‘langanimizda, u oilaviy sabablarga ko‘ra jamoani tark etishga qaror qilganini bildirdi. Natijada klub rahbariyati Muxtorovning qarorini qo‘llab-quvvatlagan va unga qarshilik qilmagan.
Xurshid "Persik" safida Indoneziya Superligasi doirasida 13 ta o‘yinda maydonga tushib, 5 ta sariq kartochka oldi.
