Хулиан Алварес ўзига янги жамоа танлади — Бу «Барселона» эмас
«Атлетико» ҳужумчиси Хулиан Алварес келажаги борасида янги қарорга келган. Ёзги трансфер ойнасида унинг асосий истаги «Барселона»га ўтиш бўлган бўлса, энди аргентиналик футболчи фаолиятини «Арсенал»да давом эттириш вариантини биринчи ўринга қўймоқда. Бу ҳақда журналист Гийем Балаге маълумотига таяниб, The Touchline хабар бермоқда.
Манбага кўра, Алварес январь ойидаёқ Лондонга кўчиб ўтиш имкониятини жиддий кўриб чиқмоқда. Футболчи «Атлетико»даги узоқ муддатли келажагини кўрмаяпти ва аввал «Барселона» устувор вариант бўлган бўлса, ҳозир унинг танлови «Арсенал» томонга ўзгарган.
Ёзда «Атлетико» Алваресни «Барселона»га қўйиб юбормаган эди. Шу билан бирга, «Арсенал» футболчи учун катта маблағ сарфлашга тайёр бўлган ва Лондон клуби трансферни амалга ошириш учун Виктор Дьёкереш ёки Нони Мадуэкени келишувга қўшиши мумкинлиги ҳам айтилмоқда.
Маълумот учун, 26 ёшли Хулиан Алвареснинг «Атлетико» билан амалдаги шартномаси 2030-йилгача мўлжалланган. Ёзги трансфер ойнасида «Арсенал» унинг учун 100 миллион фунтдан ортиқ маблағ таклиф қилишга тайёр бўлгани хабар қилинган.
