Хулиан Алварес ЖЧ-2026дан сўнг «Барселона»га ўтиши мумкин — манба
Мадриднинг «Атлетико» клуби ҳужумчиси Хулиан Алварес 2026 йилги Жаҳон чемпионатидан кейин фаолиятини «Барселона»да давом эттириши мумкин. Бу ҳақда The Touchline хабар бермоқда.
Манбага кўра, 26 ёшли аргентиналик форварднинг каталонияликлар сафига трансфери тахминан 70 миллион евроқа тушиши мумкин. Хабарда айтилишича, Алварес мунтазам равишда йирик совринлар учун курашадиган жамоада ўйнашни истамоқда.
Хулиан Алварес 2024 йилнинг ёзидан бери «матрасчилар» шарафини ҳимоя қилиб келмоқда. Жорий мавсумда у барча турнирларда 35 та ўйинда иштирок этиб, 13 та гол ва 6 та голли узатмалар муаллифи бўлди.
Футболчининг Мадрид клуби билан амалдаги шартномаси 2030 йилгача мўлжалланган. Transfermarkt портали жаҳон чемпионининг бозор қийматини 100 миллион евро деб баҳолаган.
