Хулиан Альварес кетма-кет иккинчи кун “Атлетико” машғулотини ўтказиб юборди
Мадриднинг “Атлетико” клуби ҳужумчиси Хулиан Альварес кетма-кет иккинчи кун жамоа машғулотида қатнашмади. Аргентиналик футболчи бу сафар ҳам касаллиги сабаб машғулотга келмаган.
Альварес бир кун аввал ҳам ўзини яхши ҳис қилмаётгани ва уйқу билан боғлиқ муаммолар сабаб машғулотни ўтказиб юборган эди. Ҳозирча унинг қачон умумий гуруҳга қайтиши маълум қилинмаган.
Айни пайтда ҳужумчининг келажаги ҳам муҳокама қилинмоқда. “Атлетико” Альваресни “Барселона”га қўйиб юборишни истамаяпти. Шу фонда футболчи фаолиятини “Арсенал”да давом эттириш имкониятини ҳам кўриб чиқаётгани хабар қилинмоқда.
Маълумот учун, “Атлетико” 29-август куни Ла Лиганинг 3-турида сафарда “Севилья”га қарши майдонга тушади. Альвареснинг ушбу учрашувда иштирок этиши ҳозирча номаълум.
