Хулиан Алварес Аргентина терма жамоасининг ЖЧ-2026даги мақсадини айтди
Мадриднинг «Атлетико» клуби ва Аргентина терма жамоаси ҳужумчиси Хулиан Алварес миллий жамоанинг 2026-йилги жаҳон чемпионатидаги мақсади ҳақида фикр билдирди.
«Аргентиналик сифатида мен доим ҳаяжонланаман ва ҳар доим чемпион бўлишни хоҳлайман. Бу сафар ҳам айнан шундай бўлиши керак. Биз финалга чиқишни истаймиз. Бунинг осон бўлишини билмаймиз; бу биздан катта куч талаб қилади ва натижа энг кичик тафсилотларга боғлиқ бўлиши мумкин, аммо биз имкони борича яхши тайёргарлик кўрамиз ва қадамма-қадам олға борамиз.
Бу жаҳон чемпионатига амалдаги жаҳон чемпиони сифатида бориш — шунчаки ақл бовар қилмас. Мен жуда катта фахр ҳиссини тўйяпман. Албатта, биз совринни сақлаб қолишни ва яна мухлисларимизни хурсандчиликдан сакрашга мажбур қилишни хоҳлаймиз», — дея Алвареснинг сўзларини келтиради ФИФА расмий сайти.
