Хулен Лопетеги Қатар терма жамоаси бош мураббийига айланди
Фото: Getty Images
“Реал Мадрид” ва Испания терма жамоасининг собиқ бош мураббийи Хулен Лопетеги Қатар терма жамоаси билан шартнома имзолади. Бу ҳақда Қатар футбол ассоциацияси матбуот хизмати хабар берди.
Манбага кўра, 58 ёшли мутахассис Қатар билан 2 йиллик шартнома имзолаган. У жамоани ЖЧга олиб чиқишга ҳаракат қилади.
Эслатиб ўтамиз, Қатар терма жамоаси 2026 йилги Жаҳон чемпионати саралаш босқичининг А гуруҳида 10 очко тўплаган ҳолда 4-ўринни эгаллаб турибди. Қатар ўз гуруҳида 3-ўринни эгаллаб, саралашнинг кейинги босқичига йўлланма олиши мумкин.
Розикжон Султонмуродов
Журналист