Hublot Mbappe билан ҳамкорликда чекланган миқдордаги соатлар коллекциясини тақдим этди — фото
Швейцариянинг Hublot бренди Мадриднинг «Реал» клуби ва Франция терма жамоаси ҳужумчиси Килиан Мбаппе билан ҳамкорликда чекланган миқдордаги соатлар коллекциясини тақдим этди. Савдога жами 200 дона нусха чиқарилади ва уларнинг ҳар бири нархи 29,4 минг еврони ташкил этади.
Компания хабарига кўра, соат корпуси 18 каратли сайқалланган King Gold олтини ҳамда микро-пуркагичли ишлов берилган оқ керамикадан тайёрланган.
Таъкидланишича, мазкур коллекция Мбаппенинг профессионал даражадаги илк голи киритилганига 10 йил тўлиши муносабати билан чиқарилган.
Жорий мавсумда ҳужумчи клуб сафида барча турнирлар доирасида 39 та учрашувда майдонга тушиб, 40 та гол урди ва 6 та голли узатмани амалга оширди. Transfermarkt статистик порталига кўра, футболчининг бозор қиймати 200 миллион еврога баҳоланмоқда.
