Хоселу «Ал-Сайлия»га ўтишга яқин – манба
Аввалроқ Хоселу Қатарда — «Ал-Ғарафа» клубида ҳам тўп сурган.
Фото: Getty Images
Испаниялик ҳужумчи Хоселу яқин вақт ичида Европага қайтмайдиган кўринади.
36 ёшли футболчи Қатарнинг «Ал-Сайлия» клуби билан келишувга эришди, деб хабар бермоқда журналист Маттео Моретто.
Ҳужумчига Испания ва Италиянинг турли клубларидан, шунингдек Германиянинг «Унион» ва «Айнтрахт» жамоаларидан таклифлар бўлган, аммо у Европа лигалари вакилларидан ҳеч бири билан келиша олмаган.
Аввалроқ Хоселу Қатарда — «Ал-Ғарафа» клубида ҳам тўп сурган. У ўтган ёзда ушбу клубни эркин агент сифатида тарк этган. Қатарга кетишидан олдин футболчи Мадриднинг «Реал» клуби шарафини ҳимоя қилган ва 2024 йилда жамоа билан Чемпионлар лигаси ҳамда Испания чемпионатида ғолиб чиққан.
