Hoselu «Al-Sayliya»ga o‘tishga yaqin — manba
Avvalroq Hoselu Qatarda — «Al-G‘arafa» klubida ham to‘p surgan.
Фото: Getty Images
Ispaniyalik hujumchi Hoselu yaqin vaqt ichida Yevropaga qaytmaydigan ko‘rinadi.
36 yoshli futbolchi Qatarning «Al-Sayliya» klubi bilan kelishuvga erishdi, deb xabar bermoqda jurnalist Matteo Moretto.
Hujumchiga Ispaniya va Italiyaning turli klublaridan, shuningdek Germaniyaning «Union» va «Ayntraxt» jamoalaridan takliflar bo‘lgan, ammo u Yevropa ligalari vakillaridan hech biri bilan kelisha olmagan.
Avvalroq Hoselu Qatarda — «Al-G‘arafa» klubida ham to‘p surgan. U o‘tgan yozda ushbu klubni erkin agent sifatida tark etgan. Qatarga ketishidan oldin futbolchi Madridning «Real» klubi sharafini himoya qilgan va 2024-yilda jamoa bilan Chempionlar ligasi hamda Ispaniya chempionatida g‘olib chiqqan.
