\"Хоразм-w\" \"Шўртан-w\"га жавобсиз тўртта гол урди
Шўртан-W жамоаси навбатдаги тур доирасида Хоразмга сафар уюштирди. Қизларимиз кучли рақибга қарши майдонга тушишди ва бор кучи билан кураш олиб боришди. Бироқ бугун омад мезбон томонида бўлди. Беллашув 4:0 ҳисобида “Хоразм-W” фойдасига якунланди.
Учрашувнинг биринчи бўлимида хоразмлик футболчилар фаол ҳаракат қилиб, 40-дақиқада Гулноза Ахмедова ҳисобни очди. Иккинчи таймда эса майдон эгалари устунлигини кучайтиришди. 50-дақиқада Камила Тўхтасинова, 55-дақиқада Дилдора Утамова ва 83-дақиқада Бехзодахон Эшмурадова гол уриб, ҳисобни йирик кўринишга келтиришди.
Шўртан-W жамоаси барча ҳаракатларда фидокорона ўйнади, бир неча бор қарши ҳужум уюштирди, афсуски, уларни голга айлантира олмади.
Аёллар Биринчи Лигаси – 6-тур
ХОРАЗМ-W 4:0 ШЎРТАН-W
Голлар:
40' — Г.Ахмедова (1:0)
50' — К.Тўхтасинова (2:0)
55' — Д.Утамова (3:0)
83' — Б.Эшмурадова (4:0)