\"Xorazm-w\" \"Sho'rtan-w\"ga javobsiz to'rtta gol urdi
Sho‘rtan-W jamoasi navbatdagi tur doirasida Xorazmga safar uyushtirdi. Qizlarimiz kuchli raqibga qarshi maydonga tushishdi va bor kuchi bilan kurash olib borishdi. Biroq bugun omad mezbon tomonida bo‘ldi. Bellashuv 4:0 hisobida “Xorazm-W” foydasiga yakunlandi.
Uchrashuvning birinchi bo‘limida xorazmlik futbolchilar faol harakat qilib, 40-daqiqada Gulnoza Ahmedova hisobni ochdi. Ikkinchi taymda esa maydon egalari ustunligini kuchaytirishdi. 50-daqiqada Kamila Tuxtasinova, 55-daqiqada Dildora Utamova va 83-daqiqada Behzodaxon Eshmuradova gol urib, hisobni yirik ko‘rinishga keltirishdi.
Sho‘rtan-W jamoasi barcha harakatlarda fidokorona o‘ynadi, bir necha bor qarshi hujum uyushtirdi, afsuski, ularni golga aylantira olmadi.
Ayollar Birinchi Ligasi – 6-tur
XORAZM-W 4:0 SHO‘RTAN-W
Gollar:
40' — G.Ahmedova (1:0)
50' — K.Tuxtasinova (2:0)
55' — D.Utamova (3:0)
83' — B.Eshmuradova (4:0)
