Хоразмда «Ҳоким Олимпиадаси» доирасида бокс мусобақалари ўтказилди
Мусобақада юқори натижаларни қўлга киритган спортчиларни диплом ва эсдалик совғалари билан тақдирладилар.
ФОТО: Getty images
“Янги Ўзбекистон Олимпия чўққилари” спорт мусобақалари дастури доирасида бокс спорт тури бўйича Қўшкўпир тумани ҳокими Олимпиадаси мусобақаси ташкил этилди.
Мазкур мусобақада ёш спортчилар ўзаро куч синашиб, рингда маҳорат, тезкорлик ва ирода намойиш этдилар.
Мусобақа якунида ғолиб ва совриндорларни тақдирлаш маросими бўлиб ўтди. Унда Хоразм вилояти Спорт бошқармаси бошлиғи Н.Джуманиязова ҳамда Қўшкўпир тумани ҳокими Ш.Ахмедов иштирок этиб, мусобақада юқори натижаларни қўлга киритган спортчиларни диплом ва эсдалик совғалари билан тақдирладилар.
Розикжон Султонмуродов
Журналист