Хименес «Вулверхэмптон»га қайтиши мумкин

Мексика терма жамоаси ҳужумчиси Рауль Хименес бу ёзда катта эҳтимол билан «Вулверхэмптон»га қайтади. Бу ҳақда инсайдер Фабрицио Романо X ижтимоий тармоғида хабар бермоқда.

Ўтган мавсумда Хименес «Фулҳэм» сафида тўп сурган, ўтган клуб мавсумининг 43 та ўйинида футболчи 10 та гол уриб, учта голли узатмани амалга оширган.

Ўйинчининг Лондон клуби билан шартномаси 2026 йил 30 июнда якунига етади. Transfermarkt сайти маълумотларига кўра, мексикаликнинг ҳозирги бозор қиймати 3 млн еврони ташкил этади.

Хименес 2018 йилдан 2023 йилгача «Вулверхэмптон»да ўйнаган. Умуман олганда, футболчи ушбу жамоа таркибида 166 та учрашувда иштирок этиб, 57 та гол урган ва 23 та ассист қайд этган.

Розикжон Султонмуродов

Журналист

0 0 0 0 0 0