Хендерсон «Аякс»ни тарк этди
Фото: Getty Images
Англиялик 35 ёшли ярим ҳимоячи Жордан Хендерсон “Аякс”ни тарк этди. Бу ҳақда Нидерландия клуби расмий сайти хабар берди.
Қайд этилишича, футболчи ва клуб ўзаро келишув асосида шартнома муддатидан олдин бекор қилишган. Хендерсоннинг клуб билан амалдаги битими 2026 йилнинг ёзига қадар мўлжалланганди.
Жордан 2024 йилнинг январидан бери “Аякс” сафида тўп суриб келади. Ўтган мавсумда Нидерландия чемпионатида 28 та ўйинда майдонга тушиб, 1 та гол урган ва 4 та голли узатмани амалга оширган.
Эндиликда Хендерсон АПЛга қайтиши кутилмоқда. Унга “Сандерленд” клуби жиддий қизиқиш билдирмоқда.
Баҳром Бобонов
Редактор