Хави «Спартак»нинг таклифини рад этди
Москва клуби Россия чемпионатининг турнир жадвалида 6-ўринни эгаллаб турибди.
ФОТО: Getty images
“Барселона”нинг собиқ бош мураббийи Хави Москванинг «Спартак» клубини бошқариш имкониятидан воз кечган. Бу ҳақда Metaratings.ru хабар берди.
Манбага кўра, клуб раҳбарияти 45 ёшли испаниялик мутахассис билан боғланишган. Аммо у Россияда ишлаш вариантини қабул қилмаган.
Шундан сўнг клуб раҳбарияти бош мураббий Деян Станкович лавозимида қолдириш ҳақида қарор қабул қилинган.
Москва жамоаси Россия Премьер-лигасининг 11 та туридан кейин 18 очко тўплаб, турнир жадвалида 6-ўринни эгаллаб турибди.
