Xavi «Spartak»ning taklifini rad etdi
Moskva klubi Rossiya chempionati turnir jadvalida 6-o‘rinda bormoqda.
ФОТО: Getty images
"Barselona"ning sobiq bosh murabbiyi Xavi Moskvaning "Spartak" klubini boshqarish imkoniyatidan voz kechdi. Bu haqda Metaratings.ru xabar berdi.
Manbaga ko‘ra, klub rahbariyati 45 yoshli ispaniyalik mutaxassis bilan bog‘langan. Biroq u Rossiyada ishlash variantini qabul qilmagan.
Shundan so‘ng klub rahbariyati bosh murabbiy Deyan Stankovichni lavozimida qoldirishga qaror qilgan.
Moskva jamoasi Rossiya Premyer-ligasining 11 ta turidan keyin 18 ochko jamg‘arib, turnir jadvalida 6-o‘rinda bormoqda.
