Хамес Родригес терма жамоадаги фаолиятини якунлади
35 ёшли футболчи айни вақтда Колумбиянинг “Атлетико Насьонал” клубида тўп тепмоқда.
ФОТО: Getty images
2014 йилги Жаҳон чемпионатининг энг яхши тўпурари Хамес Родригес Колумбия терма жамоасидаги фаолиятини якунлади. Бу ҳақда футболчи ўзининг Instagram саҳифасида маълум қилди.
35 ёшли футболчи айни вақтда Колумбиянинг “Атлетико Насьонал” клубида тўп тепмоқда. Европада эса у Испаниянинг “Реал Мадрид” ва “Райо Вальекано”, Англиянинг “Эвертон”, Германиянинг “Бавария”, Франциянинг “Монако” ҳамда Португалиянинг “Порту” клубларида ўйнаган.
Родригес “Реал Мадрид” билан икки марта Ла Лига, Чемпионлар лигаси, UEFA Суперкубоги ва FIFA клублар ўртасидаги Жаҳон чемпионатида ғолиб чиққан.
