Хамес Родригес «Миннесота Юнайтед»ни тарк этди

Колумбия терма жамоаси ярим ҳимоячиси Хамес Родригес АҚШнинг MLS чемпионатида иштирок этувчи «Миннесота Юнайтед» клубини тарк этди.

22 июль куни клуб расман футболчи билан тузилган шартнома муддати якунлангани муносабати билан ҳамкорлик тўхтатилганини эълон қилди.

35 ёшли Родригес «Миннесота Юнайтед» сафида жами 8 та учрашувда майдонга тушиб, 2 та голли узатма муаллифи бўлди.

Хамес Родригес фаолияти давомида Франциянинг «Монако», Испаниянинг «Реал Мадрид», Германиянинг «Бавария» ҳамда бошқа қатор машҳур клублар шарафини ҳимоя қилган. У, шунингдек, Колумбия терма жамоасининг сўнгги йиллардаги энг ёрқин футболчиларидан бири сифатида эътироф этилади.

Розикжон Султонмуродов

Журналист