Хаби Алонсо «Барселона» футболчиси трансферини маъқуллади
«Челси» бош мураббийи Хаби Алонсо «Барселона» ҳимоячиси Жюл Кундени жамоага олиб келиш ғоясини маъқуллади. Лондон клуби 27 ёшли франциялик футболчининг ҳолатини кузатиб бормоқда ва унинг трансфери январь ойидаёқ амалга ошиши мумкин. Бу ҳақда TEAMtalk хабар бермоқда.
Манбага кўра, Алонсо ўнг қанот ҳимоясини кучайтиришни истамоқда ва Кунденинг бир нечта позицияда ўйнай олишини юқори баҳоламоқда. Футболчининг ўзи ҳам «Челси»га ўтиш вариантига ижобий қарайётгани айтилмоқда.
Кунде «Челси»дан ташқари «Ливерпуль» ва «Бавария» клубларининг ҳам қизиқиш доирасида. «Барселона» эса ҳимоячининг келажагини муҳокама қилишга тайёр, у қишки трансфер ойнасидаёқ клубни тарк этиши мумкин.
Маълумот учун, Кунде 2022 йилда «Севилья»дан «Барселона»га ўтган. Ўша пайтда «Челси» ҳам футболчини ўз сафига қўшиш учун жиддий ҳаракат қилган, бироқ француз ҳимоячиси якунда Каталония клубини танлаган эди.
