Гюндоган «Сити»ни тарк этиб, «Байер»га ўтиши мумкин
Фото: Getty Images
“Манчестер Сити” ярим ҳимоячиси Илкай Гюндоган фаолиятини “Байер” клубида давом эттириши мумкин, дея хабар беради журналист Николо Скира.
Манбага кўра, германиялик 34 ёшли футболчи “шаҳарликлар” бош мураббийи Хосеп Гвардиоланинг режаларига киритилмаган. Шу сабабли яқин кунларда клубни тарк этиши мумкин.
Гюндонган 2016 йилнинг ёзида “Манчестер Сити”га келиб қўшилган. 2023 йилга қадар ўйнаб, шартномаси муддати тугаганидан сўнг “Барселона”га ўтди. 2024 йилнинг ёзида у яна “шаҳарликлар”га қайтди.
Розикжон Султонмуродов
Журналист