Гюндоган: «Ҳозирда «Барселона» Европанинг энг кучли жамоаси»
«Галатасарой» ярим ҳимоячиси Илкай Гюндоган Чемпионлар лигаси доирасида каталонияликларга қарши бўлиб ўтадиган учрашув олдидан «Барселона»нинг ўйини ҳақида ўз фикрларини билдирди.
«Ҳозирда “Барселона” жуда устун ва ишончли тарзда ўйнамоқда. Бундай формадаги жамоага рақобат кўрсатиш учун ҳимояда деярли бехато ҳаракат қилиш ва тўп билан ўйнашда катта жасорат кўрсатиш керак.
Фақат орқага чекиниб, рақибни жарима майдонимиз яқинида кутиб туриш билан иш битмайди. “Барселона” ҳужумга ўтаётганида бўш қолдирадиган кам сонли ҳудудлардан юқори аниқлик билан фойдаланиш зарур.
Айни пайтда, менинг фикримча, “Барселона” Европанинг энг кучли жамоаси ва Чемпионлар лигасида ғалаба қозониш учун яққол фаворит», — дея Гюндоганнинг сўзларини Fanatik нашри келтирмоқда.
