Гюндоган «Манчестер Сити» тарк этиши мумкин
Фото: Getty Images
"Манчестер Сити" ярим ҳимоячиси Илкай Гюндоган жамоани тарк этишга яқин. Бу ҳақда The Athletic хабар тарқатмоқда.
Манбага кўра, германиялик футболчининг “шаҳарликлар” билан шартномаси келаси мавсумда якунланади. Унга ҳозирда Европанинг топ жамоалари томонидан жиддий қизиқиш бўлмоқда.
Гюндоган ҳам кўпроқ етарлича ўйин амалиётига эга бўлиш мақсадида жамоасини алмаштиришга қарши эмас. Унга асосий харидор сифатида “Галатасарой” номи тилга олинмоқда.
Маълумот учун, Гюндоган 2016-2023 ва 2024-2025 йиллар оралиғида "Манчестер Сити"да ҳаракат қилган. У жамоа сафида жами 358 та учрашувда майдонга тушиб, 65 та гол урган ва яна 47 та голга ассист бўлган.
Розикжон Султонмуродов
Журналист
