Гёкереш кетма-кет 19 та пенальтини аниқ амалга оширди
Кеча, 20 декабрь куни Англия Премьер-лигасининг 17-тури доирасида бўлиб ўтган учрашувда Лондоннинг «Арсенал» клуби «Эвертон» устидан 1:0 ҳисобига ғалаба қозонди.
Учрашувдаги ягона голни пенальтидан ҳужумчи Виктор Гёкереш киритди. Шу тариқа швециялик форвард 11 метрлик зарбаларни аниқ амалга ошириш борасидаги муваффақиятли сериясини давом эттирди.
2023/2024 мавсумида Португалиянинг «Спортинг» клуби сафида дебют қилганидан буён Гёкереш барча 19 та пенальти зарбасини беҳато ижро этган.
2025 йил июль ойида «Спортинг»дан «Арсенал»га кўчиб ўтган швециялик ҳужумчи янги жамоаси сафида ҳозиргача еттита гол муаллифига айланган.
Айни пайтда у жорий мавсумда бешта гол билан «канончилар»нинг Премьер-лигадагӣ энг яхши тўпурари бўлиб турибди.
Transfermarkt портали маълумотларига кўра, футболчининг бозор қиймати 70 миллион еврони ташкил этади.
